برطانیہ میں عام انتخابات کے لیے پولنگ کا عمل جاری

لندن،8جون(ایجنسی) برطانوی خبرایجنسی کے مطابق برطانیہ میں پولنگ کا عمل مقامی وقت کے مطابق صبح 7 بجے سے ہوا اوررات 10 بجے تک جاری رہے گا۔ جس میں برطانیہ کے 4 کروڑ 69 لاکھ رجسٹرڈ ووٹرز پارلیمان کے ایوان زیریں یعنی دارالعوام کے 650 ارکان منتخب کریں گے۔ پولنگ کے لیے پورے ملک میں 40



ہزار پولنگ اسٹیشنز قائم کیے گئے ہیں۔ 

عام انتخابات میں 650 حلقوں سے 3 ہزارسے زیادہ امیدوار انتخاب لڑرہے ہیں جن میں 30 پاکستانی نژاد برطانوی شہری بھی شامل ہیں۔ لیبر پارٹی کی جانب سے 14، لبرل ڈیموکریٹس کی جانب سے 9، حکمران جماعت کنزویٹیو پارٹی کی جانب سے 6 اور اسکاٹش نیشنل پارٹی نے ایک پاکستانی نژاد برطانوی شہری کو میدان میں اتارا ہے۔